حصريا علي نايل موتورز .. جميع خبطات سيريونتي و هي واقفة

شكل كدة خبط العربية و هي واقفة هتبقي عادة .. في اقل من اسبوع العربية اتشلفطط و بقت مفيش فيها جنب مفيهوش علامة .. لو حبيت اصورها مش هلاقيلها view تتصور منه ! فا انا هعمل الموضوع ده اجمع فيه كل الخبطات و يتم تحديثه مع كل خبطة انشاء الله و متقلقوش العربية ماشية معاها زي الفل و ربنا ما يقطعلكوا عادة .. الموضوع هيبقي مولع علي طول شكلها كدة

المهم .. بعد ما القدر بعتلي راجل جتله غيبوبة سكر ادام العربية بالذات و دخل بالتاكسي فيها .. ثم بعتلي عربية نقل محملة بطيخ مش مربوط علي طريق الواحات .. و سواق تاكسي ابن حلال طير مراية الكليو .. و واحد ظريف شلفطلي الإكصدام في اون زا ران .

انهاردة كان موعدي المتجدد مع فقرة "هتتخبط يعني هتتخبط" ... الساعة 7 الصبح سمعت صوت واحد بيصرخ "انا هوريك مين اللي ******* ... تييت تييت تييت (طبعا حفظتوا .. صوت انذار العربية ) " .. نيم الي بيتخانق معاه عالعربية و هاتك يا ضرب و شلاليت .. الواد طلع يجري منه قام موقعه عالأرض و هابده في باب العربية !!! و قام مقلعه البنطلون !!! انا شفت كدة قمت مصرخ من البلكونة "انت يا *******!!!!!!" الواد اللي بيضرب خد بنطلون الواد اللي بيضربه وجري .. و سابهولي بلبوص كدة مرمي جنب العربية بقه بيجيب دم .. نزلت سيبته مرمي ياكش يولع .. شيلت الغطا اشوف النيلة الخساير .. بوستين في الباب الامامي .. بوسة في الباب الخلفي .. تنية في الاكصدام و الرف رف .. مسكت الواد التاني و الناس اتلمت في الشارع .. يا بيه و الله ما اعرفه دنا اللي اضربت .. امال اتخانقتوا ليه !؟ الاتنين كانوا بيهزروا مع بعض و هما اتنين شغالين في جراج .. و الواد من ساعة ما جري مرجعش .. و ميعرفولوش طريق بيقولوا انه مش من القاهرة ..

انا بفكر جديا ابيع العربية و اشتري لادا
و بفكر جديا اعمل جنازة لجنسيتي المصرية و ادفن البطاقة في ميدان التحرير مش عايزها

بقولك إيه
تيجي نعمل ذي ما معاذ ونادر عملوا
ونصور السيريون والليون جنب بعد في موضوع كذا صورة

ونسميه ...
البؤساء


وابقى شوفلي معاك لادا لو سمحت
بس يا ريت يكون فيها ABS و-Air bag :)


Thanks
Eng.Sherif Shaker

و الله يا رجالة أنا مش عارف أقول أيه
أيه البلد دي و القرف ده و الناس دي
مفيش أي إحساس و لا أي دم .......... برود ............برود ............. برود

ده أنا لسه كنت بعزي المهندس شريف في الخبطات اللي في عربيته ........ و كمان يجي الزميل العزيز الأستاذ موتوريزر كمان
و أنا بقول معلش يا موتوريزر .......... أنت موعود

مصر = عربيات مخربشة + حوادث يومية + سواقين بتحشر نفسها في أي حتة علشان تعدي و خلاص + أغبياء ماليين مصر + ********
بلاش أكمل علشان العملية مش ناقصة
بس بجد ............... الله يكون في عونا جميعا من الفئة الضالة من أهل بلدنا و هم الأغلبية للآسف الشديد

متزعلش يا موتوريزر ............. و معلش يا باشمهندس شريف
الله يكون في عونكم

:(

بجد انت محسود والله :no:

كل شوية كدة مبقاش فى اسبوع يعدي غير و حصلك ماأساااة :(

معلش متزعلش نفسك و بجد حاول تشوف جراج حتى لو بعيد موش مشكلة اتمشالو كأنها رياضة الصباح بدل ما انت كل يوم محروق دمك كدة !

قول اللهم اجرنى فى مصيبتي و اخلفنى خيرا منها

لا حول و لا قوة إلا بالله ....فعلا حاجة تحزن .....الحل مش لادا .....كده عايزين دبابة أبرامز و تكون fully loaded ....مش بالكماليات :blink4:

انا من كتر الخبطات اللي بتتخبطها عربيتي مابقتش اتكلم ولا اقول
بقيت احط القديمة في بقي واسكت
والاكصدام وارفرف بقوا خراشيييم
ولا هافكر ارشهم
لاني كل يوم الاقي خبطة جديدة
فاقول احسن اني مارشيتهاش

ya basha 3ady ana el eksdam ely wara hoa wel shanta etshlfato wel fanos ely wara etksar we kam mosmar kda men kol 7ta we kol dah we hia wa2fa,kol yom wna mwr7 men el sho3'l balf 3ala el 3arbya 3shan ashof el geded we babtsem ebtsama 3areda lama mal2esh 7aga :D ,sawt we oltom enta mwaten masry

ربنا يكون فى عونك يا موتوريزور والله انا مجرب الخبطات ديه بس مش بلاقى حد

بتفاجىء مره واحدة مرتين فى الرفر الامامى شمال ومرتين فى الاكصدام الخلفى والرفرف الخلفى

والله انا روحت عين شمس بالعربية من يومين وندمت انى روحت بالعربية فى اليوم ده بجد شوارع زى الزفت طريق

واقف دائما ميكروباصات بتكسر عليك فى اى مكان وتقف تركب ناس فى اى مكان

سواقين التاكسى والله بيعملو حارة مع نفسيهم ويزنقو نفسهم ويحشروك فى الرصيف مش مهم

والمشكلة ان الطريق واقف وهما بيزحموه اكتر عربيات بتيجى من الشمال واليمين وفى وشك

لدرجة اننا حسيت انى فى ملاهى وراكب عربيات تصادم

والله انا هقولكو على حاجة مش هتصدقو

انا مره كنت فى مشوار وركنت العربية وتمام التمام وانا راجع نازل بفتح العربية لمحت بعينى تراب على الازاز الخلفى

علشان عندى فاميه فبيبان فيه اكثر تصور لقيت ايه علامه كوتشى معلم على الازاز والشنطة يعنى واحد طلع وقف على

الازاز والشنطه بقيت هتجنن طب ايه اللى يخليه يعمل كده والله ده الكلاب ارحم

قدر الله وما شاء فعل
انا عربيتي مخبوطه من يوم 12-5 وبتتصلح لغايه النهارده ولسه قدامها شهر عالاقل
ومتكلفه فوق ال20 الف جنيه
هي دي مصر يا عزيزي
take it easy

اقتباس:

---

المشاركة الأصلية كتبت بواسطة sokasoon

والله انا هقولكو على حاجة مش هتصدقو

انا مره كنت فى مشوار وركنت العربية وتمام التمام وانا راجع نازل بفتح العربية لمحت بعينى تراب على الازاز الخلفى

علشان عندى فاميه فبيبان فيه اكثر تصور لقيت ايه علامه كوتشى معلم على الازاز والشنطة يعنى واحد طلع وقف على

الازاز والشنطه بقيت هتجنن طب ايه اللى يخليه يعمل كده والله ده الكلاب ارحم

---

ya basha 7aslt m3a a7'oya bas el ragl meshy men awl el 3arbya le a7'rha we shar7' el zogag el amamy

دانتا كدا ربنا كارمك جامد
امال لو شفت الى عندى فى الياريس
انا هقولك على الخبطات وهى العربية واقفة
رحت استلم العربية ال10 بليل كدا المهم استلمت وطالع فرحان اوى اوى روحت البيت نمت لحد الظهر صحيت من النوم لقيت الناس ملمومة على العربية والرفرف وفانوس الاشارة متشلفطين !!

بعدها باسبوع شاب روش عامل شعرة سبايكى معدى بحديدة كبيرة اوى((مس عارف لية) كانة جاى من عز الدخيلة شالى الرفرف اليمين وخدشة كبيرة بطول العربية على البابين والعتب اليمين

ومن العمارة عندنا واحد ربنا يخلية كان بينضف مش عارف اية كدا فى البلكونة فالمهم الحاجة دى وقعت على سقف العربية ونزلت على الاسبويلر كسرت لمبة الاستوب (لحد دلوقتى ماشى بلزقة علشان متقعش) وعملتلى خرمين فى الشنطة وواحد فى السقف

كفاية كدا؟؟؟؟؟

للعلم "انا شارى العربية فى شهر 3)

ماتشوفلى لادا معاك :(:(

اقتباس:

---

المشاركة الأصلية كتبت بواسطة Amr81

ya basha 7aslt m3a a7'oya bas el ragl meshy men awl el 3arbya le a7'rha we shar7' el zogag el amamy

---

والله ده اكيد مريض تفسى ايه اللى يخليه يطلع فوق العربية ويتمشى عليها كده

ويشرخ الزجاج الا اذا كان مريض نفسى

والله يا محمود اظاهر ان السيريون مكتوب عليها كده
اصل انا كل الحاكات اللي في العربيه وهيا واقفه برضه
لدرجة ان الحكه اللي قبل الأخيره
واخده الزاوية بتاعت الأكصدام الأمامي تحت الفانوس كده
اللي يشوفها يقول ان اللي اكن راكب السيريون كان بيركن وحك العربيه في العربيه اللي امامه
وهيا في الأصل اني كنت راكنها نزلت لقتها كده تفتكر حد ركبها وحكها ورجعها تاني

انا خلاص هطق بجد والله من الأستهتار بتاع الناس في بلدنا ولا بلدهم ولا بلد مين بس مش عارف

لا الله الا أنت سبحانك
اني كنت من الظالمين

ولله ياجماعة الواحد مش عارف يعمل ايه الشوارع هنا عاوزة عربية زل من بتاعت الجيش الواحد يركبلها امبوبة بتجاز ويمشى بيها احسن من حرقة الدم

يا عم انتا مضايق نفسك اوي كده ليه....
م انت عارف ان ديه حاجه عاديه في بلدنا...
انا العربيه عندي عباره عن لوحه من الخرابيش من اسماء و رسومات و اشكال
و باب حته داخله لجوه من الزفته الكوره اللي بيلعبوها في الشارع...
غير بقي الاكصدام الامامي مخلوع من الناحيتين....و كل شويه يفك و اركبه بأيدي تاني
و احلي تعاريج ممكن تشفها في الابواب....ناحيه كويسه و ناحيه اللي بركن بيها ناحيه الشارع مشلفطه

شوفولنا حل ما دام الزيرو مش نافع فى ............. اللى احنا عايشين فيها دى

عادى ... كل ده عادى ...... انك تنزل تلاقى عربيتك مخبوطه عادى , انك تنزل تلاقى نص سنداوتش طعميه و مخلل على الكبوت عادى , انك تنزل تلاقى كلبين XL نايمين على السقف و السقف هابط عادى , انك تنزل تلاقى كابلز قاعدين على الكبوت وحطين رجليهم على الاكصدام و فى قلب مرسوم على الكبوت عادى , ان طفل برئ متربى يكتب اسمع بالانجليزى على باب العربيه عادى , انك تنزل ماتلاقيش المساحات عادى ,
وغيره ....................

اخى المواطن المصرى العزيز
" نصيحه " .... { خليك بارد } و كبر الG .. واتعود انك تقبل بالامر الواقع

والله انا اتخنقت العربية عندى عربية كارو كانت معدية و هية جمب العربية الحمار اتجنن و قعد يطلع لقدام و يرجع لورة و كل دة و هوة حاكك فى الاكصدام :( و قاعد يروح و يجى و الكلبسات اتكسرو و المنظر بقى بشع و البوية طلعت :( و رايح اسمكر و ارش الأكصدام

و النهاردة و هية راكنة لقيت الغطاء مقطوع من الخلف فا بشيلة لقيت اثار حكة بس بصراحة الى هون عليا انى لقيت شاب محترم نازل من البيت اول ما شفنى بشوف العربية و قالى انا اسف انا الى خبطها و مستنيك تيجى و انا ساكن فى العمارة الى فوق و انا تحت امرك فى الى انت عاوزة بجد كان راجل زوق جدا و شكرتة و قلتلة ولا يهمك و شكرا لزوقك و قعد يتأسفلى و الحمد لله الحكة كانت بسيطة

انا اتخنقت و الله يا جماعة و عندي اكتئاب .. يعني العربية ادامي عمالة تتبهدل و مش عارف اعمل حاجة .. يعني لو عالسواقة و الهمجية اهو الواحد دمه بيتحرق وقتها و خلاص .. انما انا بقيت اخاف انام اصحي الاقي العربية متبهدلة .. ده الكلام ده بالمناسبة حصل في أرض جراج كمان .. حاسس اني مش عارف اعيش في البلد دي مستريح اجتماعيا و مادياَ و لكن مش عارف استمتع بأي حاجة .

و شكرا لمؤزرتكم ليا

اقتباس:

---

المشاركة الأصلية كتبت بواسطة أبو عبدالله

والله يا محمود اظاهر ان السيريون مكتوب عليها كده
اصل انا كل الحاكات اللي في العربيه وهيا واقفه برضه
لدرجة ان الحكه اللي قبل الأخيره
واخده الزاوية بتاعت الأكصدام الأمامي تحت الفانوس كده
اللي يشوفها يقول ان اللي اكن راكب السيريون كان بيركن وحك العربيه في العربيه اللي امامه
وهيا في الأصل اني كنت راكنها نزلت لقتها كده تفتكر حد ركبها وحكها ورجعها تاني

---

سبحان الله يابو عبد الله
انا برضة عندي حكتين في الاكصدام الامامي وبرضة حصلوا وهي واقفة
جيت لقيتها اتحكت
وحكة منهم نفس اللي انت بتوصف بيه الحكة بتاعتك بالظبط
اما الحكة التالتة فحكايتها حكاية
دي في الاكصدام اللي ورا
واللي اخد باله منها معاذ مش انا :)
لان الاخ الفاضل اللي خبطها الله يسامحه بعد ما خبطها عدلها ولونها كمان بقلم الدوكو
وكله ولا من شاف ولا من دري

اظاهر ان حكة زاوية الاكصدام دي مقررة عالسيريون لأنها عندي برضه
و بمناسبة اللي عملها بقلم دوكو .. انا برضه أخر مرة اما اتخبطت و الاكصدام وقع إكتشفت اما رجعت من برة من واحد في الجراج إن الإكصدام كان اتفك كله و الكارتيرة انفصلت عنه و دخل لجوة بس هما ردوه و عملوه بكومباموند و شبطوه في العربية هو و الكارتيرة .. و من غباوتهم عملوها بمسامير حديد كبيرة قطعت الإخرام بتاعة الكارتيرة

والله يا جماعه الحل موجود وانتم بس اللي خيالكم ضيق شويه
احنا المفروض اللي يجيب عربيه جديده يلم العيله وكل واحد ياخد ما لذ وطاب من شوم ومسامير ويظبطلك العربيه وهي لسه جديده
وبكده محدش حيخبطهالك ويبقي خيره عليك
بيدي لا بيد عمرو

سبحان الله لا انت مش تجيب لادا انت جيب نفس سيريونتك بس تكون مصفحه وخلاص وريح نفس ياعم

او استحمل وعربيتك مش هيكون شكلها وحش ول حاجه لان اغلب عربيات البلد متشلفطه


لعلمك هي دي الموضه من عشر سنين ولسه متغيرتش

بس الموضه عندك (خبط العربيه وهي وقفه) شكلها هتبقي موضه ظريفه خالص
وربنا يستر ان شاء الله